![]() |
#11 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
السبت بالليل 17\23\9
بالاصل هو بكونش عليا شفت ليل لان صبحيه الاحد بكون عليا شفت نهار , بس زي ما حكيت المدير اتصل عليا انو طارئ اد بشتغل هدا الشفت, لان بديش اعبر باحراجات وكمان حلو اكون خادمهم بهيك وكت ما بنسوها الي , ما عبرت الشغل الا اجاني مسج من حبي انو بالسجن وما ابعتش اشي , بنفس اللحظه اللي بقرا فيها المسج عطول صار فراش بمعدتي واتوترت ولحد الان وجع المعده معي , كان شفت صعب بنفسيه محطمه وبمعده مولعه فا كنت بدي انفجر , لدرجه اتمنيت الموت للي بشتغل عندها من كتر ما اتعبتني , اللي بحبه انو لما اعصب ببلش اسب واغلط عليهم بلغتي فا بفهموش شو بحكي , يا عمي انا بنت بعرفش امسك اعصابي او اتحكم فيها , بالشفت اتصل عليا اخوي واحد : واحد : ايش رايك نروح نشوف ات بكرا الاحد بالسينما مير : يا روح الماما هلكيت جاي تحكي نروح عليه , عليا شغل الاحد , روحوا بدوني اخوي : طيب خلص امتى بتكوني فاضيه مير : انسى يا اخوي , خلص بكدرش احكي بالشغل سلام مع انه بكدر احكي بس مكانش نفسي احكي وغير انه من زمان حكتله امشي نروح , ضله ساكت وما اعطاني جواب وراحت بهجه الفلم , لفلم غيره . وبعدها اتصلت عليا فيث , وكانت متكانله من جوزها وكرفانه حالها وحكتلي اد بنطلع الاحد , اكيد حكتلها بكدرش عليا شغل , وحكيت مع صوص , صوص هاي صاحبه من ايام المدرسه , بس كنا بايام المدرسه علاقتنا صباح الخير وبس , بس لما اشتغلت اتعرفت عليها اكتر بشغلي ومن وكتها واحنا اصحاب عضم , ايش شغلي وانا بالضفه وليش اشتغلت ؟ شغلي كان كتير حلو وكنت احبه, شغلي كان بمركز نسوي بخصوص مخيم , البنات اللي عندهم مواهب وبعملوا شغلات يدويه بنبيعها بهدا المركز حتى الاكل وكمان بيجوا سياح بنورجيهم المدينه , كان شغلي سكرتيره مع علاقات عامه , وكان حتى يعملوا دروس موسيقه جد كان مركز حلو مرتب والناس اللي بيجيوا عليه محترمين , اشتغلت عشان اشتري سياره واطلع الرخصه , واشتريت السياره واخوي واحد ساعدني بالمصاري وتاني يوم حكي (امشي نطلع نشحط ) حكتله (يلا ) ما اطلعنا ورحنا ع الارض اللي جمب الدار , طووب خبط السياره هههه وراحت السياره انشطبت ههههه , ولا كنت متوقع انه يضربها وبالسرعه هاي كمان ههههه اخ يبي كديش انزلت اضحك لما اطمنت انو احنا التنين بخير مصارش اشي فينا وحكتله (بتعرفش تسوك ) واجى ابوي وصارت طوشه ههههه , لما اجى ابوي تركته ياكل البهدله لحاله وانا سحبت حالي عبرت الدار وحاله اخ يا ربي كيف الحكي بجر حكي. نرجع لصوص حتى لما سافرت اكتشفت انو زادت علاقاتنا اكتر وبنضل نحكي وما كطعنا بعض , صوص هي نحكي قدوتي بالحب , لان صوص لما تحب بترمي حتى حالها لاجل اللي بتحبه , نيال اللي بتحبهم نيالهم من كتر ما هي رهيبه , بس مع هيك ملان مصايب ع راسها وكتير بنفضفض لبعض واضن هي اكتر شخص بحكي معه بين الاصحاب او نحكي بسمعلها ومعها بكل اشي بتعمله طالما مبسطها , وكنت استنى هالشفت يخلص ويطلع النهار , طبعا عقلي مش معي وبضل افكر بكصه السجن والكرف ومع هيك بالشغل بحب احط التلفزيون ع نيك بالليل مشان بيجيبوا مسلسلات كوميديا ومنها فريندز وكد ما اكون مكهوره كد ما اضحك لان حلقات امبارح كانوا لما رايتشل وجوي بدهم يتصاحبوا ويشوفهم روس ويشرب ليطفي وهات عاد .فطلع النهار وارجعت عالبيت لان معي ساعتين كبل ما اطلع عالشغل التاني وكد ما حاولت انام بس وجع معدتي والتفكير اللي براسي جد قضى عليا , وحتى اخوي 3 الله يخليه اتأخر عالشغل تبعه مشان ياخدني عشغلي بالسياره وحكتله بدفع اوبر ما رضي لان كان منطري شريطه سودا فش فيها حيل او توازن , وهيني بالشغل . |
![]() |
![]() |
![]() |
#12 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
معنديش اي مشكله اد بدكم تسألوني اشي , أسالوا اللي بدكم اياه وانا بجاوب ع اللي بدي اياه , واد بدكومش تظهروا حالكم اسألوا بصيغه المجهول ع الاسك بس احكو انكم من المنتدى وانا بجاوب هان , بحب الاسأله الي بكونش سألها لحالي او امفكره فيها , بحس بتخليني اعرف حالي اكتر .
|
![]() |
![]() |
![]() |
#13 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
صحيح اشي صار معي اليوم الصبح الاحد 17\24\9
وانا مروحه من الشغل طلبت اوبر , اما شو ابن اللزين سياره دودج سودا بتخوف , هيك لما شوفتها قلبي دك دك دك يبي شو كنت متحمسه اركبها , مش متاكده من مديلها بس حديث وهدول الضواض المدوارين , فا وهو يسوك مررقنا من منطقه وكانت ريحه الحشيش الماريجوانا بتكتل وشافني بفتح بالشنته فا فكر الحمار انو معي , يا خايبه يا مسخمه , ليش دايما الناس بتفكرني تبعت هيك اشي ؟ يعني عشاني بنامش شكلي زي المحششيشن , حرام عليهم والله . حكى : اد معك ويد بتكدري ادخني ( بيحكو عنه وييد) يعني انا شايفه الديك ارنب ومش شايفه الفضى وبشامط بالهوا وانت حضرتك تحكي هيك , انا جحرته هيك وبعدين اتخيلت كيف منظري انو بخوف وكعدت ابتسم وكل شوي تكبر ابتسامتي ع حالثي اكتر , وبعدين اضحكت , ياعمي هاي اضرار السهر والله فش اكسجين والمخ ببطل يجمع مير : لا انا بدخنش بالاصل ولا حتى بشرب , مسلمه انا حكى : اوه متاسف هاي الريحه من برى بس السياره رهيبه من جوى ومن برى . |
![]() |
![]() |
![]() |
#14 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
اورجيكم شو بشنتتي اليوم , بالعاده ما باخد كتير شغلات لان شغلي بالليل , حتى في كم شغله ما حطيتهم الا اليوم الصبح كبل ما اطلع عشغل النهار .
![]() هاي الشنته اجتني هديه بالكرسمس السنه الماضيه من حد بشتغل معه ومن وكتها وبحب احملها لانها خفيفه وايديها طويله وبتوسع حتى لو امبينه صغيره ولونها حلو وجلدها كمان , من وكت ما اجتني ضليت احملها واظن اكتر شنته حملتها هاي السنه . ![]() هدا دزداني ولمره بورجيكم ايش فيه . (steve madden) اشتريته عشان لونه اسود ولحمي والنكشه اللي عليه بحبها لانها بتزكرني بالتسعينات وانا بعشق كلشي تسعينات , بخصوص المداليات بحبها لهيك بطلب من كل حد عزيز عليا مداليه , وفي واخده منهم مكتوب عليها اسم حبي , الحصان من صاحبتي انناس وبرج الجولدين جايت من اختي فيث والباكي من اصحابي الشباب لانهم بيعرفوا بحب البومه . ![]() هون راح تشوفوا الشواحن والسماعات وهاي الشنته من ابسي وبحبها لانها كبيره وبتلبك لهيك كصص ومرات بحط المفاتيح فيها كمان , بحب الفيس البلاوك غير شكل , وفي كمان بومه وكمان مداليه عليها اسمي اما بخصوص رقم 19 فا لما قررت انو بدي اتجوز وما زبطشت الكصه من دعاويه ينعن شكله , المهم طلبت من حبي حجر وعليه رقم 19 , بس هو بالاصل مش رقم , هو بدل ع اشي تاني اللي هو اول حرفين من اسم اللي بحبه فا اي حد ما بينتبه الا انه رقم بس , حكيت عشان يضل معي بدون شبهات , بس مزبطتش كصه الجيزه اخ بس . |
![]() |
![]() |
![]() |
#15 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]() ![]() هون المفاتيح وعكبال ما احط معهم مفاتيح سيارتي , في منهم مفاتيح شغلي اللي فش عليهم نكشات , بحب المفاتيح اللي عليهم نكشات وخاصه هدا تبع الدولارت , راح تشوفوا كمان مداليات , حكتلكم بعشق المداليات , هكليت المفضله عندي هي السمكه ليش ؟ لانها كانت غاليه ع صاحبها بعرفش ليش , اد هي من واحده من صاحباته او هي فوز رهان المهم من كتر حبه للمداليه كانت بس الوحيده اللي يضل حاططها والكل كان حاطط عينه عليها , اي بتزكر صاحبه المفضل طلبها منها وما رضي , بس انا ندله اخت شلن , وبحب هاي المتعه لما اشوف حد بخسر اشي غالي عليه وخاصه صاحب عزيز عليا , فا بتركز كنا نحكي كام عايام السكايب وحكى (ايش بدك ابعتلك مع امك) , حكتله (السمكه اللي بمفاتيحك , هي لسا معك ؟) تغير وجهه وبلش يبتسم ومحكاش اشي بس ورجاني مفاتيحه وحكالي (في كمان هاي ) اللي هي مداليه مكتوب عليها عشتار , اكيد اسم واحده من صاحباته , بس حكتله (لا) وبالزبط بعتلي السمكه بكل بساطه الله يخليه , واال لهدرجه انا غاليه عليه !!؟ جد الناس بتنعرف من التصرفات بس والله . || ![]() هون الدوا اللي بالعلبه من فتره باخده من وكت ما امرضت وهدا الدوا اتعبني عالاخر بس مغصوبه اخده , ومخدر لان من يومين تعبانه , اكيد كندا دراي بتكون معي بالشنته تنين مرات لان السهر بوتر معدتي وهاي بتخفف التوتر زي امبارح بس امبارح ما مشي مفعولها كتير , والمطره اللي هاي حد بحبها عشانها مربعه وسهل فتحها وتنظيفها لانها بتنفتح من الجهتين . |
![]() |
![]() |
![]() |
#16 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]() ![]() هدول العنايه اللي دايما بخليهم بشنتتي , معجون اسنان وفرشاه , مرطب شفاف ولحد الان هاد احسن مرطب بس غالي شوي , انا صبيه بعشق مرطبات الشفايف لات بحبش كتير احط روج فا بحب يكون كلشي طبيعي , العطر هاد اجاني من حوالي اسبوع هديه من مرت اخوي لما اجت من الضفه واستغربت انو عجبتني , صعب العطر يعجبني , فا انبسطت حتى انها صغيره وعطول حطيتها بالشنته معاي بدل التانيه , لان هي هي التانيه شوي وبتخلص , هاي علبه فيها غسول وجه عشان اسهل للحمل من اني اجيب كل علبه الغسول , وكريم ايدين وهو لحد الان مفضل محدش اخد مكانه خاصه لما اصيب الكلور والجلي اديا عطول بنشفوا فهدا عطول منيح وغير انه كمان ملوش ريحه فا ما بتعطر الاشي اللي بصيبه لهيك جد بحبه . |
![]() |
![]() |
![]() |
#17 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
برجع اكمل بس لانو مرت صاحبي ولدت هلكيت الحمد لله وجابت ولد ااخ شو مبسوطه الحمد لله , او شو بديش احكي مبسوطه احسن يجيني كصه , يالله هالصاحب من سنتين بحلم بالولد ومرته اتغلبت تا حبلت بس الحمد لله يا رب الحمد لله , مع انه مرته بتكرهني للسما , بس هدا اشي بشوفوش شخصي عندي لاني بالعاده انا مش محبوبه عند البنات , كل البنات بكرهوني وين مكان لهيك بحب صحبه الشباب كلشي سهل معهم , بس مش عارفه ع مين جاي الولد عليها او ع ابوه , يعني بشبه ع ابوه بس كمان يمكن بشبه ع امه .. بعرفش !! المهم انو صار عنده ولد الحمد لله يا رب
|
![]() |
![]() |
![]() |
#18 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
هلكيت احكي عن هدول الشغلات اللي باخدهم بس اد كان عليا شغل نهار , ما باخدهم اد عليا شغل ليل لان بشوف اني بستخدمهومش .
![]() مكياجي , مش كتير مغرمه بالمكياج الكتير وكل واحد وذوقه , بحب اشوفه عالناس بالمناسبات بس اني احط كتير عليا لا بكدرش , بحسه غش وبحسه اقنعه لتخبي عيوب وملامح , لهيك بحب كلشي بيجي تحت قائمه العنايه , بحب المكياج البسيط الخفيف اللي احس بشوفش اختلاف كبير بين لما احطه ولما اشيله ,ايلانير ( 2in 1 formulaphysician ultra black )وماسكارا وهاي لحد الان احسن ماسكارا , وانا بضل اجرب انواع ماسكارا لهيك بشتري حجم الصغير وهي ميك اب فوريفر, وانا بعشق الرموش الطويله لهيك بحب كل فلاتر السناب اللي بعطوا رموش , وقلم كحله بس هو زي الهايلايت , وهدا الروج تبع امي ( clinique matte beauty) ولان لونه كتير طبيعي فا حبيته وطلبته من امي , قلابه رموش (bobbi brown) كان عندي مشط رموش وانطعش بعرفش وين , وعينه عطر اشتريتها تبعت انجلينا جولي الجديد , لما شوفت الدعايه ما صدقت انها اجت بدعايه ولفيت عالمحلات وحكو لسا ما وصلت فا طلبت العينه من الامازون ويبي شو عجبتني وان شاء الله بس يصير معي بشتريها واسمها (guerlain mon ) وهدا دوا للحب الحراره عشان دايما بيطلعلي , وهاي الشنته تبعت هدا الشهر من ابسي ولان لونها اسود عطول حطيت فيها اغراضي || ![]() هون هدا الكتاب الجزء التاني بعد انتظار سنتين وصلني واخيرا , المشكله بلش يتمزع وانا اقرا فيه , وانا بشوف انو عندي شغلات غلط بالقرأه , بخب اقرأ بس دايما بخاف اخلص الكتاب اللي معي لهيك بضل اقرا شوي شوي واعيد فيه عشان ما اخلصه , مش عارفه شو هالطبع اللي فيا هاد , وغير انه اد وصلت لمجريات حلوه عطول بسكّر الكتاب غطول , بخاف اخ شو بضل اخاف , طبعا باخدش الكتب معي ع شفتات الليل لان بعرفش اقراي ومزاجي زفت وتعبانه وبحس اني بعطيش حك الكتاب || ![]() وهون نطاراتي اللي لحد الان مش زاهكانهم , بحب اللون الاخضر والنمر وهدا الشكل اجى ع وجهي حلو . وبكره النظارات الكبار لان بشوفهم كمان غش بانو بلغو ملامح الوجه , لهيك مش اي تحت النظاره حلو , مش علينا يا مندلينا . |
![]() |
![]() |
![]() |
#19 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]()
السلام عليكم من جديد ...
![]() حطيت هدا القناع وحكيت خليني احكي معكم بما انه باخد وكت وانا اكتب لاني بجيب كصص من سنه هتلر , وحطيت بسمع لاغاني مخلوطه من كل القائمه اللي محفوظه عندي , انا بسمع ع برنامج سبوتفاي , بدفع بالشهر 10$ . || ![]() اجى عبالي ارجع البس التعليقات اللي دايما كانت لابسهم وراح احكيلكم ليش شلتهم , اللي صار كعدت فتره احس انو رقبتي تقيله وانو مخنوكه , لما حكيت لخواتي حكولي (من السنسال) فا رديت عليهم وشلت كل شي وبعدين مشوفتش اي اختلاف ولسا رقبتي بحسها تقيله لدرجه مرات بحس اني بطل فلم ( shutter ) فلم سنه 2004 اللي بضل واحده كاعده على رفبته طول العمر لهيك بضل تعبان من ظهره ورقبته , بس عالفاضي ولليوم بحس حالي دايما مخنوكه وبفكر الواحد انه بتخيل بس محدش بفهم عليك الا حالك , فا من فتره حوالي شهر ارجعت حطيت علم فلسطين , واليوم شوفتهم بوجهي واتزكرتهم . عندي النرد لان بدل ع الحظ ,الكف للعيون وللحساد ,واخر واحده هي من اسواره عندي اشترتيها وكت ما انجحت بالتئوريا وحبيت الشكل اللي عليها وهو دواير لان حياتي دواير وتعب . |
![]() |
![]() |
![]() |
#20 |
روح هالِـ×ـه ~
![]() رقـم العضويــة: 268289
تاريخ التسجيل: Sep 2013
العـــــــــــمــر: 33
الجنس:
![]() المشـــاركـات: 9,140
نقـــاط الخبـرة: 1579
|
![]() ![]() هون هدا اكتر اشي حبيته بسنافرانسيسكو , هو برج تلفزيون بيحكوا عنه بس عندي هو اشي بدل عالموت والانتحار لهيك بحبه , بزكرني بانو ترمي حالك من عليه . بضل اتخيل شغلات بحياتي وبضل اتخيل افلام وكصص .. فا جد بحبه , عند منطقه اسمها توين بيك , اه ع اسم واحد من المسلسلات هههههه , اتزكرت صاحبي حالم , ايش ولا حالم اد جد صدفت وقرأت واد بالاصل اعرفت حالك فا بتمنالك تتحقق كل احلامك مشان اكص ايدي . || ![]() هون شجره بس مش هالاشي المميز فيها الا انو جمب موقف باص وبكره السواك عالاخر , السواك هو فلسطيني ولما كنت اسمعه يضل يستذكر الله بالانجليزي ومربي لحيه حكيت اكيد هاد عربي , فروحت احكي معه , لما تكون بالغربه بتنبسط من كل عربي بتلاكيه عشان تتعرف عليه لانو هان فش حد , فش اصحاب ,, ااخ بس , يالله المصاري ابدى , فا اد كنت في سانفرانسيسكو تعالوا احكو معي , المهم السواك لما روحت احكي معه ما عجبه اني احكي معه ولما حكتله (اني فلسطينيه وانت من وين ومن هالحكي ) كعد يجحر فيا ومش عاجبه , حكيت بعقلي (روح انطز ) ومن وكتها دايما موعدي على موعده وبنكون نجحر ببعض هيك بس بدون سببب والله , هههه لا حول ولا قوه الا بالله , اد حتى كنت زمان ارد عليه السلام وهو ما يرد , حكيت بعقلي انسيكي منه || ![]() ![]() هون المنظر عندي بيشرح الصدر , بحب صباحي اد كان شغلي قريب منه اروح اكعد 10 دكايك فيه هيك , بدون ما اعمل اشي بس اصفن فيه , مرات بكون اتمنى تكون الكهوه شريكي . هدول شو صورت اليوم . خليني انشر الغسيل وبرجع ان شاء الله احكي عن مجريات يومي . |
![]() |
![]() |
![]() |
الكلمات الدلالية (Tags) |
اد كاعد تقرأ هدا الكلام يعني عالاغلب انك متابعني بدي احكيلك شكرا(), بتمنى اني ما ازهكك او ازيد من الكأبه اللي بطوف حواليك |
الذين يشاهدون محتوى الموضوع الآن : 5 ( الأعضاء 0 والزوار 5) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
>>||اوراق مبعثرة ||<< | PARASITE➤طفيلي➤ | قسم الأرشيف والمواضيع المحذوفة | 1 | 12-22-2013 10:12 PM |
اوراق مبعثرة | العاشق 2005 | قسم الأرشيف والمواضيع المحذوفة | 1 | 07-02-2010 10:34 PM |
اوراق مبعثرة | العاشق 2005 | قسم الأرشيف والمواضيع المحذوفة | 1 | 07-02-2010 10:34 PM |
اوراق الحياة | العاشق 2005 | القسم العام | 0 | 11-02-2008 09:50 AM |
اوراق مبعثرة | العاشق 2005 | قسم الأدب العربي و العالمي | 0 | 10-03-2008 03:50 AM |