وَ مَضيتُ وَحْدي فِي الطَريق. قدْ جِئتُ أبْحث عَن رَفيقْ ضَاعَ مِني مِن سِنينْ.. قَد ضاع في هذا الطريق ..َ

# وكم أتمنى أن أعود أفضل مما كنت ~

قبل بداية الفصل الدراسي وصلتني نسبة المدرسة و القدرات في نفس اليوم ..
كانت نسبة القدرات ممتازة كأول اختبار ..
ولكن تفاجأت بنتيجة المدرسة
.. جبت اقل من المعدل المتعود أحصل عليه
كانت النسبة 97,60 (ثاني ثانوي )

و بالعادة تكون +98.50 طبعاً كان كل المشكلة من مادة الفيزياء ..
المهم اني تحطمت هذاك اليوم مو عشان نسبتي ..
ولكن علشان الناس الي وثقوا فيني وتأملوا ا أجيب نسبة مرتفعة ولأن بقية ربعي حصلوا على +98 ..
تحطمت وحزنت بالبداية
.. ولكن وعدت نفسي ان أعوض بقية الثلاث السيمسترات الباقية وأجيب +98.50 (نظام التراكمي ) وهذا الي أسويه من بداية هالسيميتر ..

ولكن المشكلة ماكانت هنا ..
المشكلة ان من يوم ماحصلت ع النسبة ..
بديت أفقد ثقتي بمذاكرتي و بديت أضعف عن أول ..

كنت أول اتكلم بكل ثقة ومايهمني شي لو كنت مع أصحابي وكنت مستقل بأفكاري وأرائي وطريقتي بالمذاكرة وبالأفعال
.. وكنت دائماً قوي و عندي روح إيجابية
ولكن الان أفتقد هالشعور ..
استمر هالحال الى قبل 4 ايام .. جا إختبار القدرات ،،

كنت متأمل اني أحل أحسن من أول وأجيب درجة مرتفعة وتجيني معنويات وأصير أقوى
.. ولكن الواقع اني حسيت أن هذيك المره حليت أحسن وقلق ان تطلع الدرجة أقل من هذاك الإختبار ويزيد التحطيم ،،
بينما ربعي يزيد نجاحهم ويستمرون شعور مر وربي ..

اني أشوف ربعي كلهم مبسوطين لمن نطلع لأنهم مو حاملين هم الدراسة - مثل ماكنت انا أول - وانا صاير مكتئب ..،
والحين الخوف ان تطلع نتيجة القدرات ويصيرون أعلى مني بكثير ويزيد هالشعور ..،

و بكرة عندي برزنتيشن حق مادة الأحياء طالبه مني الإستاذ .. ومالي خلق أحضر .

الله يعين

^
^
ماعندي أحد أفضفض له غير رب العالمين ،، ف خطر على بالي مدونتي العزيزة

# المؤتمر الدولي للجامعات

بكرة عندنا رحلة للرياض لعند المؤتمر الدولي للدراسات العليا (للجامعات ) ..
أحد راح من قبل ويعطينا شوضعه .؟؟
وإذا استفاد منه ولا لا ..؟

[SIZE="3"]# مؤتمر الجامعات + موقف طريف

رحنا مؤتمر الجامعات وطرقنا مشوار حوالي 3 ساعات ونص روحه ومثلها جيه ( من الأحساء - الرياض ) ..
كان المعرض جميل ومنسق ..، واستفدنا منه
حصل موقف ظريف لأحد أصحابي ..

هذا صاحبي مسكين قصير و من دون شنب ولا لحية .. وضعيف بالأنجلش ..

ف يوم مر جنب قسم الجامعات البريطانية ..

سأله واحد من المندوبين بكل عطف وحنان (مفكره صغير ) ..
How Old R U ?? <<ويبي يمزح ويشطح معه ..
قاله صاحبي : " seventy " ....
طالعه المندوب : بإستغراب وبتعجب وبضحكة مكتومة ..
قاله صاحبي: " لا لا قصدي "seventeen " .. ذاك الرجال ضحك عليه ضحك مو صاحي .. ومسكين صاحبي انحرج شوي .. ولكن تقبلها بروح رياضية ..

ف الخلاصة ..، أنتبهو لكلماتكم بالأنجلش لاتجيبون العيد
..،

خلصنا المؤتمر تغدينا ورجعنا الى أحساءنا الحبيبية ..،[/SIZE]

إختبار الشخصية

سنتنٍ من السنون ،، ويومٍ من الأيامات كنت طفشاناً حد الدعسة .. ،

فطحت على هذا الإختبار الخنفشاري ،،
وراق لي كثيراً ..

الزبدة .. جد هالإختبار خطيــر 96% من كلامه صحيح موجود بشخصيتي ..

جربوا سووه وعطوني خبر ،،

http://www.jass.im/si/per/ptest/

أنا طبعاً " المستشار "

شوفوا شنو شخصياتكم وعطوني رأيكم ..،

• جــوز
  
  
• شسمه ذا .. يوم الثلاثاء الماضي خطرت على بال استاذ الإحيا العبقري فكرة خنفشارية وإحنا إبتلشنا ...
  
• خطر على باله ان يعطينا جوز ..
  
  
• بشرط ان نخلي الجوز بشكل ميدالية .. - كيف ؟؟ .. لاتسألني -
  
  
• وهذا انا حالياً صار لي قريب الساعة حاطها قبالي مع مسمار ..
  
• أحاول أخترع طريقة خنفشارية أسويها ..
  
  ولكن ماأسمع الا صوت السرير يناديني في دماغي ( "تعال.. تعال انتظرك تحضنني ")..،
  
• شكلي بالنهاية بكسرها وأكل الي داخلها وأسحب على الإستاذ ..
  
• مدري كيف بسويها .. الله يعين بس

# لو عادت الأيام ..~

أمضي هنا وحدي و لا أدري المصير

أهفو ليوم أدفن الأحزان في صدري

و أمضي كالغدير

لو عادت الأيام

و رجعت يا دنياي كالطفل الصغير

..،

# عدت

اهلاً وسهلاً بمتابعيني الذياب والذيابات

الحمدلله انتهت الإختبارات والقدرات وجبت نتائج كويسة بالإثنين ..
ورجعت للمنتدى ان شاء الله بنرجع زي أول وتكون المشاركات متنوعة ..ـ

# نيوزلاندا
.
.
.
حالياً أفكر أؤوح نيوزلاندا ولكن في مشكلة بسيطة..
وهي ان كل الحجوزات الي لقيتها لازم تمر على استراليا
واذا بنمر على استرالية لازم نطلع ترانزيت فيزا ..
وشغلتها قلق ..

حد عنده حل خنفشاري يعطيني اياه؟
أفكر أروح 18 من هالشهر (انجلش )

.
.

# نيوزلاندا_سياحة

كيف حالكم يا متابعيني الأعزاء .؟؟
قررت اني أصير أكتب كل يوم بعد كل طلعة شيصير معي من فله و وناسة ومواقف طريفة ..
ان شاء الله بيكون الوضع لطيف ..وتكون الفكرة خونفشارية .،،

http://im80.gulfup.com/5198xC.jpg

.
.
.
.
# نيوزلاندا_ ((1)) | نَكْبَــة

شسمه ذا ..
اليوم بقولك سالفتي ونكبتي الأليمة
طبعاً انا هنا ساكن مع أختي وزوجها (نسيبي ) ..،
جاني زوج أختي (نسيبي ) قبل كام يوم ،، و قالي : " الشباب بيدخلون دوري كرة قدم مسوينه هنا شرايك تلعب " ؟
عاد أنا من زماان عن الكورة بس ماحبيت أقوله لا على طول ..
ف قلت بسايره شوي (بسلك له ) شوي واقوله بعدين لا وسويت فيها متحمس وكيذا ..
قلت له بحماس تسليكي : "اووه زمان عن الكرة زين والله مسوين دوري هنا "
قالي : "يعني أضمك معهم ؟"
قلت له : " نشوف .."

الزبدة مبارتي بعد ساعة .. وقاعد العن ابو التسليك الخايس ،،

الى اللقاء .