Struggling, The Key Of Life-Reality Understanding

^

تحقون كيف بتتغير حياتنا لو فيه زي هالاختراع ؟!

انا شخص ما اعترف با اهداف الحياة. بمعنى ان يكون عندك شي معين في راسك و تبي تسويه
و هالشي ياخذ له سنوات طويله جدا.

أفضل ان يكون لك كل فترة اهداف معينة، يكون تنفيذها ممكن خلال فترات ما هي بطويلة جدا.
و كل ما خلصت هدف تروح للي بعده. بهالطريقة تقدر انك تنهي عدة اهداف ف فترة وحدة او فترات متقاربة.

لكن بعد ما يمنع ان يكون عندك هدف كبير و الاهداف الصغيرة هي الطريق له < ما حد ناقض كلامه xD

ان كان المتنبي يقول:
الخيـل والليـل والبيـداء تعرفنـي " " والسيف والرمح والقرطاس و القلـم

ف أنا أقول:
الليل و اللفائف و الخمرة تعرفني --- و بائعات الهوى و الميسر و الشوارع

تو تابعت انمي Magi بالجزئين

لو بتكلم عنه ما بخلص انمي اسطوري من قلب ي اخي !

بس شكل الجزء الثالث مطول نزوله ! ولآ ؟ <ـ<

اعترف حاسني فاقد كل ما فيا من طاقة -_-"

من جلست امس الصبح الساعة 8 و نص ما نمت اﻻ ساعه ونص xD
الحين الساعه 11 صباحا ._. السبب كان اختبار كبر اليهود

هذي الابيات اهدآء لضيف شرف عارف حاله

"تصدق ولآ أحلف لك
عجزت بلساني أوصفلك
نعيم الحب في وصلك
و إنته كريم من أصلك"

خلال الشهور الماضيه صرنا ما بين كل شهرين تقريبا نسمع بإختفاء او مقتل طالب او طالبين سعوديين.

أغلب الحالات متشابهة، يعني هالحالات تصير بإن هالشخص كان لوحده او طالع في وقت متأخر من الليل و رايح مكان معزول او في طريق سفر.

هو احنا أكثر ما يقلقنا في هالوضع هو أهالينا. يعني، هنا نحاول ان ما نطلع لأماكن معزولة لوحدنا
ولآ نطلع ف آخر الليالي لوحدنا. هو احنا الطلاب هنا عادي مو هامنا نفسنا جدا يعني في حالة صار شي.
لكن الخوف هو في أهالينا كيف يكون حالنا بعد ما يصير فينا شي، و ذآ السبب الأكبر في كوننا لآزم نتبه لحالنا =/

هآرونا + كآمل

نورتوا (f)



باقي حوالي شهر و كمن يوم و أرجع المملكة ان شآء الله، الحين تو بديت الصيف

آخر نزلة لي كانت بس اسبوعين ، هذي الإسبوعين كانت بعد انقطاع سنة =/

الزبدة اني ما حسيت اني رجعت لأن وقتهآ كانت متراكمة علي أشغال كثيرة ف صار أغلب الوقت
يمضي ع حساب الأشغال و المشاوير -.-"

هالمرة بنزل ان شآء الله حوالي ٤٠ يوم، ف بالي أحللها عدل و فرصة دام ما عندي ذاك العدد من الأشغال


+

مو مصدق إن باقي شهر ع رمضان، أذكر رمضان الماضي و كأن له بس شهرين أو ثلآث <.<

أذكر أحداثه و أجوآئه و أكلي فيه و كيف كنآ نقضي الوقت اليومي فيه و و و و و..... والله كأن مآ مضى عليه أكثر من ٣ أشهر

وقتهآ كنآ تو منتقلين أنا و صآحبي إلى شقة جديدة ، و قضينا أيام رمضان ب نوم طول النهار
و نصحى قريب صلآة المغرب و نجهز لأوضاع الإفطار. بعد الإفطار نريح شوي. صآحبي يعسل و أنآ ع اللآب أتابع أنمي.
ثم نلعب ضامنة / ضومنة (dominoes) ثم نتابع مسلسل و الوقت الباقي سوالف و مذاكرة،
و أذكر الصيفي ذيك السنة كآن ممتع جدآ من ناحية النآسآت اللي كانوآ موجودين، لكن مرهق و خسس النفسية لأقصى حد من ناحية الدراسة xD
الزبدة ذاك كان اول رمضان أقضيه بدون أهلي

كاكاشي/ الله يبارك فيك عزيز 3> لآ هم مجهزين لي الهدية لآ أنا جيت

هارونا/ ربي يسلمك كذلك (f) + آمين =$

انثى القمر/ شكرآ لمرورك (f)


أنرتموني إخواني : $


-

هنا مبانيهم التركيب الداخلي لها تكون مبنية من جبس و خشب ( جدران و أرضيات)

هالشي يزعج لآ صرت ساكن في عمارة(مبنى سكني)، لأنك راح تسمع خطوات المشي للشخص اللي فوق شقتك. ،
النقطة الثانية لو كان يتابع تلفزيون(TV) او مشغل اي جهاز ثاني و رافع شويا ع الصوت، الصوت راح يجي لعندك و يزعجك =/
النقطة الثالثة جيرانك اللي حوالينك تسمع سوالفهم و نفس الشي مع الأجهزة.

المهم، اللي ساكن فوق شقتي يجي حوالي يومين او ٣ ايام في الاسبوع لشقته. بقية الأيام مدري وين يروح، يمكن عند خويته xD

لآ صار موجود يقعد طول وقته ع التلفزيون ف الصوت كله لعندي.
هو اوك مو بيده هالشي خصوص انه مايرفع الصوت ، واضح انه يقدر ان عنده جيران.

المشكلة لآ جا نص الليل وقت الهدوء. هنا ينام و يخلي التلفزيون مشغل =/ طبعآ أسمع شخيره لكذا أعرف إنه نايم xD

المهم الاسبوع الماضي علقت ورقة ع بابه قلت له فيها يطفي الجهاز إذآ بينام لأن فيه ناس تبي تنام بعد < مع فيس زي ذآ خخ

لمن رجع شقته، ذاك اليوم صج ما جا نص الليل إلا و الجهاز حقه ماله حس.
و اليوم الثاني كان موجود في الشقة لكن الجهاز ماله حس أبد لآ قبل نص الليل ولآ بعده.

شكله قام يستخدم سماعات أذان أو شاف له صرفة <.<"

احترم الأخ كونه استجاب ع طول، هو نقدر نقدر نقول واحد من الآتي ، يا انه:

١- يحترم غيره و يقدره و ما يبي يكون سبب في ازعاج و مضايقة أحد
٢- تهمه نظرة الناس له، بمعنى استجابته كانت من باب اللباقة و إرضاء ضميره، و ليس مراعاة لمشاعر الغير، بإختصار مو لسواد عيونك
٣- ما يبي أحد يشتكي عليه عند الإدارة بحكم هنا القوانين عندهم متشددة و لو تعيد الغلطة يسجلونها في سجله الحكومي ال Social Security Number. ذا سالفته سالفة بعدين اتكلم عنه.


طبعاً ٩٠٪ الخيار الأول هو السبب