#1
|
||||
|
||||
![]() ![]() بسم الله الرحمن الرحيم
![]() ![]() السلام عليكم ورحمة الله وبركاته ![]() اليوم أفتتح مدونة خاصة بي وأسأل الله تعالى أن تكون بادرة خير لي ![]() ![]() ![]() نبذة عني : +لقبي : كيمو زهرة الكرز +بدايتي في عالم المنتديات : كانت سنة 2009 وما زلت أحب المنتديات . +خبراتي : مترجمة للأنمي والمنجا منذ عام 2009 تقريباً في الإجازة الصيفية بدأت + إصلاح مشاكل الحاسوب وهذا الشئ أعتبره تحدي وشئ يمزني عن غيري . +عملي الآن : معلمة ( طفولة مبكرة ). من أنا ؟ سؤال بسيط أنا فتاة عادية حالي حال بقية البنات ذات قلب أبيض , أحب أساعد , أعاون , أحب أتكلم مع الناس , شخصيتي قيادية ,بنت هادية , ما أحب إزعاج الناس ولا أتدخل في شئ مالي خص فيه , مستمعة جيدة . ما أحب ؟ الحديث مع الناس , الهدوء , مشاهدة وترجمة الأنمي ( ذوقي صعب بالأنمي ),الصراحة , التميز . ما أكره ؟ التدخل في شؤون الأخرين ، عدم مراعاة الآخرين، النميمة. هذه نبذة بسيطة عني وما خطر على بالي أحب أقول أنا إنسانة على الصراط المستقيم ما أحب اللف والدوران , حاب تتكلم معاي حياك الله في ملفي ^^ أرحب بكل الناس للنقاش والحديث . ملاحظة : لا أقبل صداقة الأولاد ^^ ولكن لو حابين تتكلمون بشي عادي عندكم ملفي. هذه الأفكار اللي جت ببالي وان شاء الله تكون بداية لي بمنتديات العاشق ^^ بسم الله الرحمن الرحيم نبدأ مواقعي للتواصل: الآسك : http://ask.fm/misskemo5 توتر :https://twitter.com/LadyFlorena ![]() التعديل الأخير تم بواسطة كيـمـزهرة الكرزــو~♥ ; 01-04-2024 الساعة 11:19 AM |
![]() |
#2 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته ![]() ![]() أهلا فيك أعضاء العاشق امم بعد تفكير قررت أستعمل المدونة وأكتب فيها ![]() أول شئ حابة أقول لكم تقبل الله صيامكم وطاعاتكم وجعلكم من الفائزين في رمضان اللهم آمين =$ قبل ما أبدأ الكلام =$ حابة أشارك معاكم موقع يحلل لك شخصيتك بأسلوب حلو للي حاب يسوي أرجو انه يقول لي شنو طلع له أحب اكتشف شخصيات اللي حولي =$ ![]() بالنسبة لي يوم سويت هاي الإختبار لك طلع لي شخصية المدافع *^* وفعلاً أغلب الأشياء تنطبق علي =$ هنـــــا هاي شئ ولو ما عليكم أمر =$ تقولون لي شنو راح يطلع لكم .................................................. ........................................ الشئ الثاني : ما اعرف شقول بس بحاول XD أنا احب أكون قرب قليل من الأشخاص وأكون معاهم دايماً ما أحب الشلة الكبيرة يعني 3 أشخاص أو 2 يكفوني =$ وأهم شئ التفاهم والإحترام *^* للأسف المجتمع اللي حولي ما أشوف حد يحب الأنمي نفسي أو الكمبيوتر وأكيد أغلب البنات هالشكل ~.~ أبسط مشكلة على طول فورمات أغلب البنات تفكيرهم جية أنا بالنسبة لي وجدت حل مشاكل الكمبيوتر متعة لي حتى اني أُلقب بين ربعي بالدعم الفني ^ ما شاء الله XD أعترف إني إلى الآن ما زلت استخدم المسن عن طريق برنامج الترليان اللي شرحته إهني : هنــــا أحب وحابة أتعرف على بنات جدد وأسولف وياهم =$ بالنسبة لو قررت أسوي موضوع =/ قسم البرامج هو أكثر قسم ممكن أفكر أسوي فيه ~.~ أما للتصميم والفوتشوب أنا أصمم لكن مب لين هنالك أحب التصميم أحب الشرح أكثر وحل مشاكل الكمبيوتر XD بالنسبة لحياتي حياتي ما فيها أكشن وايد الحمدلله تتصف بالهدوء والركود نظراً لأنه العائلة الكريمة مش وايد ويا بعض وما عندنا عزايم ولما تصير أعراس ما أحب أروح ![]() في عالم الإنترنت أحب أكون مرحة واتكلم لكن في العالم الحقيقي ما ألقى شئ أتكلم عنه لأنه ما فيه ناس وايد يشاركوني ولو بتكلم بتكون سالفة عن شئ حصل معاي فقط =$ بالنسبة لي أحب أعطي حلول للناس وأحلل واتكلم وأساعدهم يحلون مشكلاتهم لكن أنا صعب حد يحللني أو أنه يحل لي مشكلة إلا لو كان إنسان أفهم مني وعارف وخبير طبعاً بهذه الحياة .. بالنسبة للمدونة بحاول أكتب فيها كذا شئ ومتنوع =$ شفت كذا مدونة لكن ان شاء الله يكون لي أسلوبي الخاص وما أقلد أحد *^* ![]() XD كان ودي انظم لشئ في العاشق للأسف أنرفضت بفريق الترجمة كان ودي أترجم لكن سعيدة أنهم حطوني خيار أول لو أعدت تقديم طلب الإنظمام وكان ودي ألبي الطلبات في فريق التلبية للتصميم لكن خفت أتملل لذلك ما سجلت أما بالنسبة للشروحات والدعم الفني انا احب أحل مشاكل لكن مزاجي مب في كل مرة راح يسمح لي أشرح وبعد لما إتيي الجامعة ما اظن أتواجد وايد ~.~ بالنسبة لعالم المنتديات ^^ اسمي كيمو زهرة الكرز معتزة فيه وما ممكن أغيره *^* أعلى مرتبة إدارية وصلت لها مراقبة وإن شاء الله أكون إدارية قريباً << آمل ذلك بالنسبة للفرق صرت قائدة تقريباً على 3 فرق وحالياً على فريق منجا لكننا موقفين من فترة >< وأتمنى أني أشتغل على ترجمة مع فريق متعاون وقائد قوي وفاهم بكيفية إدارة الفرق *^* وهذا شئ يعجبني بالعاشق ما شاء الله الأعضاء أحسهم مستوى جميل ويتطورون بسرعة خبراتي بالترجمة للأنمي : ترجمة إنجليزي إلى عربي , توقيت , إنتاج , شوية محاكاة بالنسبة لي أتملل بسرعة وما أحب أمسك الشئ لفترة طويلة من الزمن يعني مثلاً فتحت مدونة ببلوقر وما اهتم فيها وايد ~.~ بالنسبة للترجمة وحل مشاكل الكمبيوتر هاي شئ ميزني بصراحة وأفادني جداً في حياتي بالعالم الحقيقي ...>> كأني أتكلم عن أبطال الديجيتال XDDD أنا متمسكة بحبي للأنمي المدبلج وأحب شخصيات وسويت هواايل يوم كنت صغيرة علشان الأبطال اللي حبيتهم XD بالنسبة للرد على مواضيع الأعضاء أنا أخذ الموضوع بجدية وأحب أبدع بردي وإن شاء الله ما أخيب ظن أحد من الأعضاء اللي يدعوني وأعتذر عن أي واحد ما أرد على موضوعه =$ مواضيع الأعضاء تعجبني ^^ وخاصة اللي فكرتها جديدة ![]() ![]() ومع الأيام إن شاء الله تعرفوني من هي كيمو *^* أرجو إنها كانت تدوينة حلوة وخفيفة أشوفكم مرة ثانية .. مع السلامة =$$ |
![]() |
![]() |
![]() |
#3 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته ^^ مساء الخير شخباركم أعضاء ؟ في البداية اشكر أخي الكريم على تقيمه ^^ وأقول له " الله يبارك فيك اخي الكريم " ![]() ![]() اممم =/ ولا إجابة وصلتني من تحليل الشخصية ~.~ الظاهر منتدى العاشق أعضاءه ما يحبون يقرون مدونات الناس الثانين @___@" طيب ما علينا ^^ أسرد لكم شنو صار معاي بالعيد =/ أول يوم بس اللي حسيت أنه عيد جا لنا عمي الصبح سلمت عليه وطلعت فوق والليل جو لنا عائلة وبنت عمي الحمدلله فرحنا شوية بس بسبب تعب أبوي من أول ما اجزت شهر 6 وانا ما اطلع إلا طلعات الكرف للبيت وقضاء الحاجيات الضروروية =/ ما طلعت ولا مكان نزهة ولا ترويح على النفس في كل غجازة صيف هالشكل أبوي من النوع اللي ما يحب يطلعنا بسهولة يستجوبنا بمليون سؤال ويقول أخرتها : مالكم حاجة تطلعون ! فننثبر بالبيت أصلا عادي ![]() قربت الجامعة تبدأ ما باقي الا شهر تقريباً الله يسهل علينا السنة الجديدة والله يستر شكلي راح أسجل بباص =/ ما اتوقع ابوي يوصلني هاي إن ما قال لي إقعدي بالبيت أول يوم علشان " القرون تطلع لي XD" امم بعكس ما يظنه البعض فأول يوم هم وايد وثاني يوم علشان تتعرف على المجموعة الجديدة اللي بتقعد فيها والدكتور تشوفه عدل ولا لاء وتلحق تغير , وزيادةالطينة بلة إنه في بعض الدكاترة من أول إسبوع الحمدلله والشكر ياخذون الحضور وهاي شئ مب حلو لانه اهني تصير وايد تغيرات والناس عندها ظروف وما زالت تستعد وتقضي حاجاتها أنا كنت من الأشخاص اللي يقضون حاجاتهم قبل الجامعة لكن للاسف مع تعب أبوي ~.~ ما نقدر نطلع كلش وللأسف أخوي ما عنده ليسن =/ وما عندنا دريول بالنسبة لي أيام الجامعة أحلى من الإجازة صحيح فيها كرف وتطلع عيون لكن على الأقل أشوف أوادم وأضحك أما بالبيت كله بالغرفة لاني ما احب اقعد ويا ابوي وإخواني ~.~ وللأسف أهلي مطلقين من زمان لذلك روح البيت الأم =/ ما فيه وحتى أيام الجامعة نطلع شوية ونكرف زيادة لكن أحلى من قعدة البيت المملة اللي ما وراها الا الكسل والنوم ~.~ يعني الواحد يبي ينفس قبل الجامعة لكن وين يا حظي الله يرزقنا يسر الحال بس ![]() حالتي المزاجية حاليا : أحس أني مفهية ~.~ وفيني كلام أبي أطلع لذلك راح أكتب كل اللي بخاطري ان شاء الله بالنسبة لجماعة الخير اللي أعرفهم أنا ودي أفهم الحين لما ودك تتكلم مع أي حد من ربعك وما يرد إلا بعد فترة شنو تسوي فيه ! وللعلم بكل مرة هالحركة البايخة =/ ولما يحتاجك يحصلك على طول وتسمع له وهو ما يسمع لكن رد بارد ~.~ لا أعلم بصراحة شنو اسوي ويا هالنوعية من الناس =/ المشكلة بينا عشرة بعد وما ابي أخرب العلاقة الطيبة ويا رفيجتي بسبب هالشئ ^^" أمس قعدت أترجم لي مقاطع صغيرة ^___^ من زمان عن الترجمة واليوم ترجمت بعد ودي اطرح شئ بترجمتي بالعاشق لكن ما ادري شنو حاليا ~.~ خطرت ببالي امس فكرة جهنمية *^* كنت بعدل مدونة بلوقر وأخليها بزنسس XD أسوي دعم فني بالتيم فيور وأحصل فلوس *^* وأملي وقت فراغي وأتطور بدل الملل اللي قاعدة فيه للأمانة كل يوم أنتظر حد يكلمني مرات الله يكرمني بأشخاص جزاهم الله خير لكن أغلب الوقت الصمت القاتل لا بالوتس أب ولا بي بي حتى اللاب توب برنامج الترليان هدووءءء محد يتكلم ~.~ والمشكلة لو تكلمت ما عندي شئ اقوله استمع فقط ~.~ ياله من أمرٍ مُمل الحمدلله خلصت موضوعين حق مسابقة البرامج وطرحتهم ويارب افوز بإحدى المراكز الأولى *^* =") ما ادري متى النتائج لكن الله يعين المشرفين لأنه المواضيع اللي انطرحت وايد والتحديد بيكون صعب شوية =) وهاي خواطري لهاي اليوم وإن شاء الله أرجع أكتب مرة ثانية بعدين .. مع السلامة ![]() ![]() |
![]() |
![]() |
![]() |
#4 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته ^^ كيف حالكم أعضاء عساكم طيبين ؟ =$ من فترة والله ما كتبت في المدونة ان شاء الله أكتب فيها الحين وأطلع السوالف =$ من كم يوم بلغت 21 سنه يارب أسألك ان تبارك لي في بقية عمري وتجعله خالصا لطاعتك kawaii-005 شكراً لكل من قيمني فرحت وايد لما شفت تعليقاتكم وأكيد شكر خاص للي سوو الاختبار وقالوا لي شنو شخصياتهم ![]() مفهومة بصراحة ما أقدر أغير لهجتي القطرية بكل مرة لذلك لو ما فهمتو كلمة ^^ بقول لكم معناها كتبو لي بأي مكان وارد عليكم .. الكلمة القطرية لهذا اليوم هي : نكرف أو الكرف ( هي بمعنى الأعمال المتعبة , مثلا الخروج من البيت لقضاء الحاجيات من الجمعية او السوبر ماركت تعتبر خرجة كرف ![]() - نكمل التدوينة =$ - آخ بس شاقول وش أخلي الله يعين بس =/ يوم الاثنين الماضي طلعنا نقضي حوايج ويوم رجعنا البيت بدأت المشاكل تنهال علينا >< الله يسهل أمرنا الحمدلله كنت أمر بشوية ظروف وعدت على خير الحمدلله رب العالمين , ما اقدر أشترك بالمنتدى حاليا لسبب ما أحسه هادي على غير العادة ! المدارس أكيد قربت عندكم بالسعودية والجامعات بعد الله يوفقكم ويسهل امركم ويرزقكم أعلى الدرجات يارب ^^ أنا مطولة شوية 14/9 أول يوم جامعة باذن الله وبداية شهر 9 بتكون المدارس بدولة قطر عندنا ^^ بس بالنسبة لي أنا والاجازة ما نتفق ملل لاننا ما نطلع مثل ما ذكرت سابقاً ![]() وغير هاي بعد زيادة الطينة بلة مكيف غرفتي اخترب من يوم الاثنين الماضي وأنام عند أختي على الأرض تكسرت والله ="( وصار لي يومين نحاول انا وأبوي نتصل على الصيانة والاعمام كل شوي يقولون لنا الصبح وبعد شوي بتصل ولا شئ إلى الان انا قاعدة بالحر ومشغلة المروحة والله حر بشكل مب طبيعي الله يرحمنا برحمته لا حول ولا قوة الا بالله .. اممم بالنسبة لي ما ادري لو يصير لبعض من الناس كل ما اتحمس لشئ لازم يخترب أو ما يصير في الأساس وأحزن .. ان شاء الله فيه الخيره =/ مثلاً : انا أبي موقع يفتح وما فتح إلى يومي هاي ومسكر من السنة الماضية ! لما أتحمس أكلم وحدة من ربعي بالسكايب او أتفق وياها على شئ ما ايي مثل ما أنا مخططة او ما نتكلم مرة وحدة لانها مشغولة ![]() ايوا صحيح تذكرت ! الحمدلله فزت بالمركز الثالث بمسابقة البرامج عمل طيب الحمدلله ما توقعت بصراحة المنافسة كانت محتدمة ووايد أولاد انا البنت الوحيدة خفت شوي ~.~ وإشتركت بفريق الدعم الفني وان شاء الله *^* اكون وحدة منهم يارب لأني أحب حل مشكلات الكمبيوتر .. ايوا صحيح XD خلوني أوديكم شوية لعالم الأنمي اللي أنا فيه : أنا إلى الآن أحب الرسوم المتحركة المدبلج مش الأنمي =$ وما زلت أفضل شخصيات كثيرة فيه مثل ( زاك من دايس , دوق فليد من جراندايزر , الكابتن فالكون من سباقات الإف زيرو, كاكاشي من ناروتو [ النسخة المدبلجة مب اليابانية من الأنمي ] , توكي من سيف النار XD ) وهاي بعض من الشخصيات التي حبيتها وغير لو أراويكم شخصيات الانمي الياباني الكل يستغرب مني ويقول لي شلون حبيتي مثل هالشخصيات ؟! انا حاطة براسي أنه مستحيل أحب واحد أصغر مني بالأنمي أحس الأكبر أحلى *^* أنضج وتفكيرهم مفهوم ويقدرون يحمون ومنطقيين شوي ^^ .. ودايم أميل لحب الشخصيات الغامضة اللي لها حركات مميزة تقريبا ما اعرف كيف أشرح *^* مثلا : جيوكي من أنمي نورارهيون < شخصية هادئة وحكيمة .. سا ساكوجان من أنمي بلاد الغيوم الملونة < خبيث شوية شخصيته طفل وبالغ ^^ كانامي من فامبير نايت > صحيح بارد لكن قائد وهادي وعنده طريقة تفكيره الخاصة غاما من ريبون > وفي بالغ ^^ يعجبني آيس من ون بيس < شخصيته لطيفة ومؤدب وفكاهي ^^ إروين من الهجوم على العمالقة > تفكيره شئ رهيب وأحسه لو كان انسان حقيقي بيكون له منصب كبير XD هاي بعض من الشخصيات عادة احب شخصيات ما يقرب منها الناس وايد حاليا ما فيه راسي شئ من الشخصيات ... في أنميات أو رسوم متحركة كنت أدور عليها وفرحانه أنه توفر بالنت : مثل زهرة السيف المضئ *^* كنت احب أبو زهرة بشكل مب طبيعي لدرجة أني رسمت له صورة وعلقتها على باب الدولاب حق الثياب ( احنا نسمي الدولاب كبت بالقطري ) track city متوفر لكن بالكوري ولو لقيت له ملفات ترجمة أفكر اترجمه *^* لأني حبيته وايد هالرسوم =$ .. وبس هاي الكلام اللي في راسي وحبيت أشاركم إياه وأتمنى لكم أوقات سعيدة ويارب تتحسن عندي الظروف وأرد أشارك في المنتدى مرة ثانية بشكل فاعل =) .. مع السلامة ..~ |
![]() |
![]() |
![]() |
#5 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته شخباركم أعضاء العاشق عساكم طيبين ؟ ![]() من فترة والله ما كتبت بالمدونة اليوم إن شاء الله أكتب فيها =$ الأخبار الجديدة .. بدأت المدارس في دولتنا قطر XD ما تعجبت منه الا تغليق الكتب بطريقة سبشل .. بس على حسب علمي لطلبة السنة الأولى من كل مرحلة ^^" يلا خطوة طيبة من المدارس.. أمس كان مؤتمر آبل *^* كان شئ جميل ما شفت الا متقطفات من كذا مكان وقرات عن أيفون 6 وجية والله حلو الأيفون شكله بيكون شئ عجيب .. الناس راح تدب عليه XD الحمدلله تم قبولي بفريق العاشق للدعم الفني *^* وحليت كذا مشكلة للأعضاء كثير من الأعضاء حسبالهم كنت راح أدخل الشروحات بس ما احب اشرح وايد أنا بكل وقت ~.~ عيزانة بصراحة وضغط الجامعة لو بدأ ما بقدر أشرح شئ .. للأسف لذلك بدامي احب حل المشاكل قلت أدخل بالدعم الفني وأكتسب خبرت وأستفيد وأفيد وإن شاء الله أقدر أفيد اللي أقدر عليه من مشاكل الأعضاء وأحلها لهم *^*.. حاليا قاعدة أعمل على مدونة بلوقر لي نفسي من زمان بمدونة وبحاول أحط فيها أشياء وهالشكل متنوعة ونفسي والله أخليها احصل وراها فلوس نياااها ![]() ![]() احب وايد اصلح المشاكل ومرات أكون متمللة أيون لي ربعي أسوي لهم لاب حقهم ~.~ مشكلة البنات ويمكن الآولاد ما أعرف أنه بس يدخل يسوي اللي يبيه ويطلع وبعدين يشكتي من تعليق الكمبيوتر وعلى طول فورمات ^^" طيب تعب نفسك شويتين وروح نظف اللاب توب وتعلم على برنامج او 2 ينفعونك ,, ~.~ الله المستعان بس ولا المشكلة لما أدخل ألقى تبينه جمب العلم الأبيض يقول نظام الحماية ولا مشكلة .. يا عمري نظام الحماية بس واحد للكمبيوتر لا تثقل على لابك لو عندك برامج ما تبيها امسحها وفك عمرك من ثقل الكمبيوتر ~.~ وغير هاي نظام 8 عندهم نظام حماية ماله داعي تنزلون نظام حماية جديد بالاساس ~.~ حاليا معلقة على نشيدة *^* أحب أناشيد المنشد محمد المقيط لو تعرفونه .. هذه هي : هنــــا ^ لما أسمعها أندمج وأهدأ وأحس بالحماس *^* ![]() صوته وايد حلو ما شاء الله عليه شئ طيب منه بعد أنه يقرأ بضع من آيات سورة معينة =") صوته يخلي الواحد يندمج وهندسته حلوة بعد الله يوفقه يارب .. ايوا شئ ثاني بعد بالنسبة لمايكروسوفت أنا احس في تحايل بالموضوع ! المشكلة واجعتني اختفاء القاموس العربي للتدقيق الإملائي ما قام يدقق لي عربي ! جزاهم الله خير فريق التلبية ~.~ ما خلو حزمة ما جابوها ولا وحدة اشتغلت ! يعني أخرتها يبونا نشتري الاوفيس من المكاتب بسعر مبالغ فيه -___-" ما راح أشتري إلا لو مضطرة بصراحة مب حالة ~.~ المشكلة أنه 2 من صديقاتي واجهتهم نفس المشكلة ~.~ الله يعين بشوف لو أحول على أوفيس 2013 ولا أتم على 2010 بالنسبة 2007 حلو بس أحس تعودت على شكل 2010 وغير هاي برنامج الترليان سكرو فيه السكاي بت ~.~ استغفر الله العظيم والله ما احب السكايب لكن أضطر أفتحه وأخليه مفتوح ولا الترليان أحلى بوايد من السكايب ~.~ بالنسبة للحلقات 10 بت ~.~ كأن vlc ما قام يدعم العربية ولا انا أحلم كل مرة يطلع لي جاري تحقق او شئ من الخطوط ويتم معلق ما يعمل ~.~ بس على كلاسيك أو ريل بلير كلاود ممكن يعمل عليه حلقات mkv وانا بصراحة ما احب الا vlc ~.~ الله يعينا ويصبرنا بس .. ان شاء الله الأسبوع الجاي تبدأ الجامعة الله يوفقنا جميعاً ويسهل امرنا ويذلل لنا الصعاب يارب وإن شاء الله هالسنة تكون بداية جديدة لكل انسان ناوي يجتهد وربي يوفق الجميع .. ومن الحين أقول تواجدي اكيد بيقل بعد فترة ~.~ يمكن أدخل اتصفح أو أحل مشكلة وأطلع >< أخ بس على الجامعة وكرفها يلا نفكر بالشئ الايجابي *^* نشوف الربع ونشوف الدكاترة , وأهم شء إطلاق الألقاب المضحكة وشفرات بالكلام علشان محد يفهم من البنات وينقل الكلام هع XD وياما أطلقت ألقاب تضحك بشكل على الدكاترة ... علشان محد يفهم احنا على شنو نتكلم XD وأخيرا هذا هو رابط المدونة للي حاب يطب عليها ^^ ما حطيت فيها الا تعريف على نفسي بس .. هنــــا أشوفكم مرة ثانية ^^ مع السلامة ![]() ![]() |
![]() |
![]() |
![]() |
#6 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته ^^ أسعد الله مساءكم بكل خير كيف حالكم أعضاء العاشق إن شاء الله طيبين ؟ وها قد أحل العيد السعيد وباقي يومين أو يوم ويروح ^^ الحمدلله رب العالمين هالعيد كان أحلى من عيد الفطر اللي أبوي كان تعبان فيه ="( الله سهل علي أموري وقدرت أطلع وإيون لبيتنا الناس *^* .. كانت أيام ال 10 من ذي الحجة حلوة لكن للأسف الأسبوع الماضي تميت مداومة لين يوم الأربعاء أما يوم الخميس ما كان عندي إلا محاضرتين وكان ودي أداوم أنا ورفيجتي نخلص لنا كم شغلة ونريح بس الله كريم , الدكتورة كانت بتسافر هي هندية تدرسنا إنجليزي ~.~ الله المستعان فكنسلت المحاضرة أما الدكتور حق الإنجليزي الثاني كلمناه وقال طيب بكون بالكلاس بس لا تقولون لأحد إني ما خذت الحضور ههههه ![]() وهكذا كنت مقررة اداوم أنا ورفيجتي لكن غيرنا رأينا وقلنا خلاص .. المهم هالعيد ما شريت ولا شئ جديد من الثياب لكن استخدمت ملابسي وخلاص الحمدلله أهم شئ الفرحة وصلة الأرحام والله مش الثياب .. الثياب شئ ثانوي لكن المهم تكون مرتبة بعد .. أما عن المكياج -___-" لا أحبه أبداً أحس نفسي شئ غريب لما أحط .. بس إكسسورارات وخلاص الحمدلله .. بالنسبة لما بعد العيد الله المستعان الكل مشغول بالعيد اليوم بالذات والله احس بالملل والطفش من داخلي ![]() أول إسبوع دوام الأحد الجاي بيبدأ التعب الحقيقي بالجامعة اللي يبي تكاليف واللي راح يقدم لنا كوز للمادة واللي بيعطينا رايتنغ او كتابة مقالة بالإنجلش انا ما أحب كتابة الرايتنغ لأني ما أعرف شسكتب لازم أرتب أموري بعدين أكتب اما جية أكتب وانا ما عندي لا خلفية ولا معلومات ما ينفع بصراحة ^^".. أيوا صحيح تذكرت انا ما كتبت عن الجامعة شئ , ![]() أول إسبوع كان مأساة لأننا كنا نبي ندخل مادة تربوية مسكرة ما فيه إلا 10 طالبات لأنه فيها روحة مدارس وتدريس وألخ .. قدمنا رفع سقف بعد ما تعبنا واحنا ننتظر وسمعنا صراخ وزحمة وبصراحة الكلية الله يهديها ما خصصت ترتيب مناسب لرفع السقف اللي هي نقدم ورقة توقع عليها المرشدة للتخصص وبعدها يعطونا الموافقة بالدخول بالمجموعة المسكرة أو لا ! انا ورفيجاتي نكون ثُلاثي أنا ورفيجتي الأولى نفس عدد الساعات والمواد لكن رفيجتنا الثانية ~.~ الله يهديها ما تبي تنتظر سبقتنا بمواد فجاها القبول بالدخول بالمادة اللي قدمنا لها رفع سقف أما انا ورفيجتي الأولى ما إنقبلنا طبعا ما سكتنا! رحنا عند المسؤولة وسألنها وألخ .. وشفنا الأوراق كان مرسوم عليها إكس X -__- أنا إهني عرفت أنه أنا إنرفضت انا ورفيجتي لكن أصريت أنا وياها ورحنا وشرحنا وضعنا للمسؤولة وقالت لنا الأسباب اللي خلتها ترفضنا وانا إقتنعت بصراحة ~.~ , كنت مسجلة 5 مواد لكن دكتورة الإحصاء طلع شرحها كلش .. فحذفت المادة وقررت بأذن الله تعالى الفصل الجاي آخذ مادة غيرها من مواد الرياضيات -__- لذلك حاليا عندي دماتين إنجليزي يبي لهم لانه أغلب واجباتهم كتابة مقالة !!! أما المادتين الباقيتين الجغرافيا ~.~ اللي عندي فيها كوز بعد العيد ( لازم ينكدون علينا الإجازة ما يسوى علينا ) ومادة تربوية اللي هي الشراكة المجتمعية ..~~ الله كريم صحيح 4 مواد لكن كأنهم 8 من الجهد والتكاليف الله يسهل علينا جميعاَ ويصبرنا والعلم جهاد في سبيل الله . -__-" آخ والله رفيجتي سافرت اما الثانية مشغولة وانا قاعدة مع الملل المشكلة حاولت أتابع أنمي تميت أطوف اللقطات بالحلقة .. قاعده احمل تورنيت هالأيام قلت لو فضيت بشوف وحملت أنميين حاليا لكن م أدري متى بيكون لي المزاج أشوفهم .. ![]() وهكذا إنتهت الخواطر لهذا اليوم وإن شاء الله أكتب بالقريب العاجل .. ![]() مع السلامة ![]() التعديل الأخير تم بواسطة كيـمـزهرة الكرزــو~♥ ; 10-07-2014 الساعة 02:05 PM |
![]() |
![]() |
![]() |
#7 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
![]() أسعد الله أوقاتكم بكل خير كيف حالكم أعضاء عساكم طيبين ؟ ![]() وها قد عدت بعد غياب طوووويل جداً عن مدونتي حبيت أكتب بدامي فاضية اليوم ^^ من حسن حظي الحمدلله انه هالاسبوع فيه غياب وايد بالنسبة لي واليوم اجازة لانه دكتورتي الاولى مسافرة اما الثاني عاطنا اجازة وبقول لكم السبب فيما بعد ![]() انتصف العام الدراسة وبدأت امتحانات متصف الفصل من اسبوعين راحو وهالاسبوع كان آخر اسبوع امتحن فيه وضغط مب طبيعي لاني أبي أدرس وما فيه وقت أدخل وأشارك وأتفاعل مع الاعضاء الحمدلله أنه هالكورس ما فيه واجبات وتكاليف لمواد تربوية وايد لاني ماخذة وحدة لكن من ناحية ثانية عندي واجبات مب طبيعية لدكتورة مادة الانجليزية essay writing ~.~ هالدكتورة راح تطلع عيوني تكاليفها مب طبيعية تخيلو أنها خلتنا نسوي تلخيص لخطاب باللغة البرييطانية ~.~ والحين خطاب لمناظرة صارت لي في قطر ~.~ مب حالة وياها والمصيبة مستواها ما شاء الله عالي بالانجليزي وما تراعي الفروق الفردية ولا ترحم شئ مب طبيعي هالدكاترة يبون الواحد يكون متكامل من أول ما يدخل عندهم والمشكلة بعد مب جية المشكلة في تطبيقاتها لما تعطينا تعجيزية وصعبة ويبي لها واحد مستواه عالي وهي تعرف انه مستوى الصف متوسط بالانجليزي اللهم بس كم وحدة ممتازة أربع بنات يمكن مستواهم ضعيف منهم رفيجتي ~.~ الله يصبرنا ويخلص هالكورس على خير ! أما سبب إجازة الدكتور مال مادتي الانجليزية الثانية لانه عطانا امتحان منتصف الفصل من 6 إلى 8 ليلا ! والله إني غبت عن محاضرتي الصباحية للجغرافيا علشان أقدر أنام ويكون عندي طاقة وأكون مصحصحة علشان أدرس وأراجع بس ندرس الكلمات والقواعد أما الاستماع والقراءة كالعادة من الخارج ~.~ والاستماع الطامة الكبرى مرة وحدة ! هالكورس عندي مثل ما قلت 4 مواد لكن والله يبي لهم كرف ~.~ ويارب الكورس الجاي أحصل 5 مواد ما أبي 4 =") إن شاء الله الكلية ترضى تدخلنا بالمواد التربوية لانه الاولوية للي عدد ساعتهم أكثر من 70 وما فوق ![]() الله كريم ~.~ توني مخلصة امتحانات أبي آخذ نفس وبعدها الفاينل الله يسهل علينا بس ~.~ , هاي بالنسبة للجامعة .. أما بالنسبة للمنتدى ما أدري العيب مني ولا أنا اشوف المنتدى هادي جداً ما أعرف شنو أتفاعل ولا وين أروح أدخل بشكل عشوائي وأطلع .. من يومين غيرت تنسيق ملفي الشخصي ![]() ![]() ولانه التنسيق ما كان وايد حلو ~.~ وصار عليه مدة قلت خل أغير يلا =$$ وبعد قسم الدعم الفني ~.~ فاضي محد يحط مشاكل علشان أتحرك وأحل ~.~ أنا والفريق .. نطلع شوي من جو المنتدى ونرجع للحياة الواقعية -__-!! يوم الأحد كان عندي كوز و مد تيرم الحمدلله درست لكن يوم احتجت مساعدة وطرشت للبنات اللي عندي بالوتس أب للاسف بصراحة ولا وحدة ردت علي الا رفيجتي يوم احتجت مساعدة على الأقل أبسطها الإعتذار من الشخص مب نسحب عليه بشكل كامل وهو محتاج مساعدة ما أدري أكيد لكل واحد ظروفه والله يعين ويسهل على الجميع بس بعد الاعتذار مطلوب ![]() ما أحب أجرح حد ولا أرده أعتذر لو مشغولة بطريقة حلوة لكن من أكلم الله المستعان .. الواحد يبقى بروحه ~.~ اللي ضايفتهم عندي كأنهم صنم ما تتكلم معاي الا 4 بنات تقريبا من أصل وايد بنات ~.~ استغفر الله العظيم آه يالها من دنيا غريبة عجيبة لما يبون شئ ركيض اما لو أنت تطلب منهم شئ سحبة محترمة بعد ولا اعتذار ولا شئ =/ .. وبس والله هاي كان الشئ اللي حبيت أشارككم إياه ![]() الأحوال بالأيام الجاية .. مع السلامة ![]() أشوفكم بالأيام الجاية ![]() |
![]() |
![]() |
![]() |
#8 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته ^___^ كيف حالكم أعضاء العاشق عساكم طيبين ؟ ![]() قبل ما أبدأ سرد الأحداث حابة أقول كلمة .. أمس كان اليوم الوطني لدولة قطر ^^ بلادي الغالية .. ![]() يارب الله يحفظ جميع بلاد المسلمين وبلادنا سالمة ويعز الإسلام والمسلمين يارب ملاحظة : الصورة خذتها من الانستغرام مش من تصويري . ![]() والحين ندخل إلى الأحداث وما جرى معي ..~ قربت امتحانات الفاينل ووايد أشياء صارت =/ وللأسف كل كورس لازم دكتور عله يطلع ما يعرف وين الله قاطه ولا شئ أو أسلوبه يكون مخيس وما فيه احترام واستهزاء للطلبة بس ودي أفهم أحنا ندخل الجامعة نتعلم ولا نتكافخ ونتضارب ويا الدكاترة والله مب حالة ! ![]() عندي دكتورة لمادة انجليزية باطة لي جبدي ~.~ ومسوية لكل القروبات اللي تدرسها مصايب ومشاكل وتخسف الدرجات خسف وما يعجبها العجب وخلتني اعيد لها واجب وتقول أني مش مسويته ومخلية حد ثاني يسوي لي ^^" الله المستعان بس والله حالة وحاليا ما بقى لي من تكاليف الجامعة شئ إلا هي وودي ادري للفاينل لانه قرب ما بقى شئ ودائما بكل كورس الشهر الأخير تنهال علينا كل الواجبات والتكاليف والاشياء وأحمد ربي أنه المواد التربوية بس وحدة هالكورس ولا لو خذت كذا واحدة كنت بنتف شعري بالتأكيد ! لانه المواد تبي طلعة مدارس ونروح مدرسة ونطبق كذا شئ ~.~ الله المستعان بس مالنا إلا الصبر .. طبعا بالنسبة لمواد الكورس الجاي مفروض اني أسجل مواد تربوية لكن فيه مشكلة في الكلية ~.~ مسكرين القروبات لانه احنا عندنا نظام التسجيل المبكر ![]() بنقدر نسجل بسرعة لكن ما سجلت الا مادة حاليا بسبب إغلاق القروبات وإن شاء الله أقدر أنا أسجل بال3 مواد التربوية والله يسهل يارب .. حاليا ~.~ ما أقدر اشوف انمي جديد لآني من النوع الي يندمج وما يقدر يركز على القيام بأعماله لو شفت ههههه بلوة والله ~.~ .. الكل عندها امتحانات وأكيد البعض يمتحن امتحانات الفايينل الحين الله يسهل لنا جميعاً ويسهل أمرنا يارب ويعطينا على قد تعبانا .. ![]() ![]() بالنسبة للانميات ^___^ أكيد لاحظتو رمزيتي الجديدة *^* الخطيرة هاي الشخصية اسمه جورج باسكتن من أنمي الطاقة الزرقاء لو تذكرونه انعرض على قناة سبيس تون =") وتأثرت فيه بصراحة وهو شخصية حنونة ولطيفة وذكية شخص مثقف بالمعنى الأصح وعجبني فصممت له رمزيتين وبحاول أحط الثانية قريباً حاليا قاعدة أعيد مشاهدة باور رينجرز وآيلد فورس *^* أول جزء من بور رينجرز شفته بحياتي على قناة mbc3 من زمان وايد حلو وشخصيتي المفضلة فيه *^* باور رينجرز الذئب " ميريك " المقاتل القديم اللي حلت عليه لعنة زين آكو XD بصراحة هو أحسه أنصج واحد فيهم مع الرينجرز الصفرا تيلور أنا أحب ومتعلقة بشدة بالانميات القديمة والاشياء القديمة وأفضلها احسن من الجديد فالبعض في المنتدى سألني شنو أتابع ما اظن أنه اللي أتابعه يعجب حد الا الانسان اللي متمسك بالقديم مثلي وأحيانا ربعي يستغربون كيف أحب انميات قديمة ![]() بالنسبة للأيام الياية بيقل تواجدي واحتمال ما أقدر أدخل المنتدى ويارب اتيي الاجازة بسرعة مع انه ما فيه شئ مميز ~.~ , والله أني حابة أتكلم مع الناس اللي بالمنتدى لكن ما اعرف شنو أقول وأحيانا اتيي لي دعوة لمواضيع لكن ما أحس لي مزاج أقرأ وأرد لأنه لو حبيت أرد لازم أكتب رد يوفي حق العضو في الكتابة والتعب اللي تعبه وما احب أكتب رد قليل >< .. ![]() وبالنسبة لبعض الناس -___-" اللي ما تسمعني وأنا أتكلم الواحد شيقول الا الله المستعان بس مع أني كنت على حق والقديم رجع والجديد ما نفع لكن الناس الحلوة مب راضية تفهم =) والمشكلة أنه يكتبون أشياء انا مالي دخل فيها ويطرشون بعد والكلام مب موجه لي ![]() وهذه الأشياء اللي ببالي حالياً ![]() لما تحبه وترضاه وموفقين جميعاً مع السلامة ![]() |
![]() |
![]() |
![]() |
#9 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته ![]() أسعد الله أوقاتكم بكل خير ![]() ![]() بالنسبة لي ولربعي ~.~ والكورس الجاي الله يسهل علينا يارب ويوفقنا بدرب العلم . نبدأ الخواطر والكلام لهذا اليوم الحمدلله رب العالمين طلعت الدرجات حلوة الا مادة وحدة وهي المادة اللي تكلمت عنها من قبل ![]() ![]() تقصيراً مني فأنا الحمدلله أعمل الواجبات وانتبه وكل شئ بفضل من الله لكن الدكاترة إلا ما يطلعون الواحد ينتف شعره ويدعي عليهم أحيانا ![]() ![]() ![]() وما فيه أحلى من مشاهدة الانمي والجلوس على العاشق ورؤوية مشكلات الأعضاء .. أكيد في ناس ما خلصت الامتحانات في بلاد غير الخليج لآنه الخليج متأكدة انهم خلصو الغالبية العظمى الله يسهل على اللي ما خلصو شدو حيلكم اخواني ![]() حاليا اتفقت انا وصديقة لي أني أطالع وياها أنمي ![]() صراحة انمي محترم وفكره عميق وقديم 1993 هالاوفات وقت ولادتي هههههه ![]() أنمي جميل ويحمل في طياته العديد من الأحداث المفرحة والمحزنة لكن للاسف محد مترجم الآنمي كامل فقط الأوفات تترجمت 11 أوفا والباقي حلقات كثيرة وفكرت أمسكها أترجمها لكن ما أدري لو بعتمد هذه الفكرة ولا لاء ![]() ![]() توني خلصت الآوفات ا ![]() وأتمنى بصراحة أني أرجع للترجمة وأترجم هالانمي الرائع اللي يستحق ![]() وغير هاي ~.~ قسم الدعم الفني محتاج إلى مشاكل تهل عليه ولا تأتي المشاكل نبي نشتغل يا جماعة الخير هاتو لنا مشاكلكم وان شاء الله نحلها ونساعدكم ![]() في شئ بعد أني أقدر أكتب قصص لكن من فترة ما كتبت وأحب القصص الخيالية اللي يميل نمطها لنمط الأنميات ~.~ وانا صغيرة عمري 15 كتبت حوالي 3 قصص بس الثالثة للأسف ما كلمتها بس انجزت فيها وانا أنقل القصة الثانية للword كنت أوقف وأقول لنفسي أنا كيف كتبت هالقصة ~.~ اللي مش مترابطة أبد .. كتبت القصة عن بطل كنت احبه وايد وما زلت ![]() ![]() الأنمي وناسة اني لقيته بالياباني على يوتيوب وأتمنى اشوفه كامل بالرغم من انه قديم اللي تابع الكلام اللي قبل بالردود السابقة بيعرف أنه ذوقي غريب نوعاً ما وما وأحب أشياء غريبة مب , ما يدخل بمزاجي أي أنمي بسهولة .. بالنسب للي ما يعرف فالكون هو في انمي اسمه سباقات f-zero كان ينعرض على mbc3 في السنوات الماضية وهاي هو فالكون شخصية محترمة ذكي قوي سريع البديهة ![]() ![]() أكيد الأغلبية راح يستغرب كيف تحب جية بس بالنسبة لي الرسم ايي بالرتبة الثانية أهم شئ الشخصية بعدين الرسم حتى لو كان البطل في ال40 اما يكون أقل من عمري ما أحب صراحة نادر ما أحب أبطال مراهقين ![]() وما فيه حركات بايخة والرومنسية ~.~ أحاول أبعد عنها الا لو كانت خفيفة آمنا بالله .. ننتقل الآن إلى حال المنتدى ![]() أحد المقومات اللي تخليني أتعلق بالمنتدى هو تشجيع الإدارة بالاضافة إلى الاستايل انا قرات انه الاستايل راح يتغير لكن ما شفت شئ لحد الآن وودي بصراحة أنه يتغير لانه هاي الاستايل كئيب نوعاً ما ~.~ والأفضل يكون فيه صور أنمي او شئ أكشن شوي مب بس شعار المنتدى وخلاص ![]() ![]() ![]() نبدع وتنفتح نفسيتنا أكثر للمنتدى لازم يتغير استايله بصراحة ![]() اهني ما أدري كل فريق له نمطه الخاص بس القوانين أحيانا ما ينعمل فيها ويبي لها تعديل من الواقع اللي أمر فيه بصراحة ومن خبرتي كقائدة في مجال الترجمة لازم القائد يكون نتفق ويا فريقه ويحاول يفهم شنو محتاج الفريق ويطبق لكن انه القائد يكون عليه مسؤوليات مسكين وما يقدر يلحق ~.~ انا اشوف لو يتعين له نائب يكون أفضل ويتعدل الفريق ولا هاي كله مشكلة الفريق لما ما يتفق أعضاءه وكل واحد يرد على الثاني وما عاجبه الرد ![]() نطلع من جو المنتدى وأجي لكم لشئ ودي افضفض فيه بصراحة وحدة من صديقاتي حابة اني أكلمها وهالشكل لكن للاسف ما أستطيع بسبب انها مشغولة وأخاف لو كلمتها أزعجها ~.~ وهاي شئ ما أحبه بصراحة ودي أكلمها وأناقشها بموضوع أبي أعرف حله وأخلص وأريح بالي لآنه هالموضوع مهم ومتعلق عليه ناس ثانين غيري ~.~ أتمنى أتكلم باللي في قلبي وأقوله لها بصراحة وأرتاح ![]() ![]() ان شاء الله خير يارب هذه كانت الأشياء ببالي هذه المرة أشوفكم على خير مع السلامة ![]() |
![]() |
![]() |
![]() |
#10 |
مشرفة قسم طلبات الأنمي
قائدة فريق الدعم الفني عضوة في فريق البرامج رقـم العضويــة: 271450
تاريخ التسجيل: Sep 2013
الجنس:
![]() المشـــاركـات: 9,684
نقـــاط الخبـرة: 2584
|
![]() بسم الله الرحمن الرحيم
السلام عليكم ورحمة الله وبركاته أحبائي الاعضاء أسعد الله أوقاتكم بكل خير kawaii-005 مرت فترة طويلة من كتبت آخر مرة ^__^ حبيت أكتب كذا موقف صار معاي .. طبعا من بدأت الجامعة الحين راح ندخل على الاسبوع الخامس من الدوام .. الله يعينا ويسهل امرنا يارب .. بالنسبة للكلام في الرد السابق لمدونتي حبيت أعلق عليها XD الحمدلله صديقتي للاسف ما قدرت تشوف الانمي لآنها مشغولة بس أنا خلصته بصراحة انمي بلاك جاك يحمل بين طياته العديد من المشاعر والمواقف الطريقة والغريبة والحزينة وخاصة انه الثياب فيه محترمة ومحتشمة والفكرة نفس الأنميات القديمة عجبني فيه كل شئ ![]() ![]() ..... حاليا ~.~ حاسة بملل بصراحة وأحس المنتدى نايم بسبب ضغط المدارس والجامعات وأنا هالكورس الحمدلله اخف علي من الكورسات اللي قبل لكن هالمواد اللي خذتها الحين يبي لها طلعة مدارس أكثر من قبل وأعمال عليا درجة كبيرة جداً على العمل الواحد 20 درجة والمشكلة لما الدكتورة المحترمة تعترف وتقول انا ما أعطي درجات كاملة أو درجة عدلة للبنات =/ بصراحة ظلم في ناس مبدعين بأعمالهم ونكرف ونكرف وآخر شئ ما يعجبهم شغلنا الله كريم بس ![]() كل كورس تمر علينا سوالف وهالشكل سواء حلوة أو حزينة او تبط الجبد .. هالكورس بصراحة مب بدايته غريب عجيب .. والحين بدأنا العمل ما شاء الله على عملنا الأول وهو عمل جماعي صناعة كتاب كبير ~.~ في وحدة من ربعي الله يهديها تبي تشتغل ولأنها ماخذة مادة زيادة عنا فما عندها وقت وتبي تستغل الوقت =/ وهالشكل ما يصير العمل الجماعي حلاته الواحد يضحك ويتبادل خبرات ان شاء الله تخلص السالفة على خير مع اني مب حابة وحابة أشتغل أكثر , أنا سويت كم شئ بالفوتشوب وقعدت أسوي تمارين للكتاب وأطبعهم على الword .. أووووه صحيح تذكرت .. ![]() ![]() ![]() كيف لي ان أنسى يا جماعة الخير ترقيت ما شاء الله وصرت مساندة للبرامج ![]() هههههه أول بنت تدخل إدارة قسم البرامج *^* ياله من إنجاز عظيم ![]() ![]() شكرا لكم أحبائي لكل من بارك لي وأسعدتوني والله الله يسعدكم ![]() شكرا للإدارة على ثقتهم فيني وإن شاء الله أحاول جهدي في القسم ![]() ![]() وهذا كلام بسيط بصراحة ما في بالي شئ بس قبل ما اختم انا حاليا بالفيس بوك ألعب لعبة السنافر اسمها : The Smurfs & Co: Spellbound للي حابة من البنات بس ![]() عندي ونلعب مع بعض اللعبة *^* تبعث لي تقييم او بالرسائل الزوار أو الخاص وراح أضيفها ^__^ انتهت رحلتنا لكوكب زمردة لهذا اليوم إنطلق ... مع السلامة ![]() التعديل الأخير تم بواسطة كيـمـزهرة الكرزــو~♥ ; 03-13-2015 الساعة 10:05 PM |
![]() |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
♥♠ ♥♠ ♥♠ ناروتو شيبودن 151 Naruto Shippuden مترجمة وعلى عدت جودات♥♠ ♥♠ ♥♠ | anime2010 | قسم الأرشيف والمواضيع المحذوفة | 6 | 07-20-2010 02:40 PM |
♥♠ ♥♠ ♥♠ ناروتو شيبودن 149 Naruto Shippuden مترجمة عربية وعلى عدت جودات♥♠ ♥♠ ♥♠ | anime2010 | قسم الأنمي المترجم | 3 | 03-10-2010 03:46 PM |
♠♥♥♠ |[]| الحلقة ون بيس 440 One Piece 440 |[]| مترجمة للعربية و بجودات متعددة ♠♥♥♠ | anime2010 | قسم الأنمي المترجم | 6 | 03-02-2010 03:02 AM |
♠♠ اقوى واكبر مكتبة في ال***** لـبرامج تشغيل ملفات الملتيميديا والتعديل عليها ♠♠ | العاشق 2005 | أرشيف قسم البرامج | 0 | 09-26-2008 10:22 PM |
♠♠ الأداة الخطيرة من مايكرسوفت لاصلاح الريجسترى للويندوز , سارع باقتنائها ♠♠ | العاشق 2005 | أرشيف قسم البرامج | 0 | 09-22-2008 12:11 AM |