احذر الفلاش ميموري المضروبة

إخواني ال*****ين

بعد تكرر ظاهرة الفلاشات المضروبة رأيت انه يجب التحذير من هذه النوعيه حيث انها منتشرة و المقصود بالفلاشه المضروبة ان المساحه بيكون ملعوب فيها بمعني ان الميموري شيب اساسا مثلا 512 ميجا و لكن لو جبت خصائص الويندوز تلاقي كاتب 8 جيجا مثلا و تباع علي هذا الاساس!!


أعراض الفلاش الملعوب فيه:

متنوعه و لكن اشهرها
1-تضع ملفات علي الفلاشه و لما ترجع تاني للفلاشة لا تجدها:eek:
2-تضع ملفات علي الفلاشة فتتحول الي ملفات غريبه او فولدرات:eek::eek:
3-تضع ملفات في حدود الحجم الاصلي لا مشكلة اذا زاد الحجم الجهاز هنج :eek::eek::eek:
4-تضع ملفات و اذا كان الحجم كبيرا يقولك الفلاش محمي و اذا كان صغير لا مشكلة:eek::eek::eek::eek:

الموضوع من زمان و ليس الفلاشات فقط و لكن كذلك mp3 mp4 ipod و هلم جرا
و لكن مؤخرا لاحظت زيادة الحالات
فقولت وجب التحذير مثلا في فلاشات 16 الحجم الاصلي 4 و في 8 الاصلي 1 و في 32 جيجا الاصلي 265 ميجا!!:eek::eek::eek:
فاحذر عند الشراء و يفضل ماركة معروفه و محل موثوق منه و الضمان

ازاي أتاكد من فلاشتي؟؟

بعد المخمخه لقيت تلات حلول اتنين عملين:D:D و التالت يعني:confused:

1- ببساطة انسخ عليها ملفات بحجمها و شوف هتاخدهم ولا لا و ارجع انسخهم علي الجهاز و شوف الحجم الكلي و شوف الملفات شغاله ولا لا
هي هتاخد وقت بالذات مع الفلاشات الكبيرة بس متهيالي أأمن طريقه و متاحه للكل


2-من باب جر الرجل يعني خش علي موضوع تصليح الفلاش و نزل البرنامج الخاص بالفلاشه و لا تستعمله ـــ اكرر ماتفرمتشي بيه ـــ مجرد تشغيل و تشوف هيقرأ بالفلاش قد ايه لان البرنامج بيقرا الكود بتاع الميموري شيب و بعدين يحلله ازاي؟؟
كل ميموري شيب ليه بيانات في صورة كود تدل علي الشركة و الحجم و بيانات تانيه كتير
مثال فلاشه مكتوب علي الميموري شيب بتاعها k9lbgo8uom
الكود ده معناه ايه؟؟؟؟
حرف ال k ده اختصار لشركة سامسونج ــــ و محدش يسال ايه علاقه الkب سامسونج;);)ــ
كده انت عرفت ان الميموري من انتجاهم طيب لو دورت في النت او روحت موقعهم مثلا
http://www.samsung.com/global/busine...mberDecoder.do
و ادخل الكود حرف حرف و شوف النتيجه بنفسك
هتلاقي زي كده
K9 (Memory) : NAND Flash
L (Small Classification) : MLC DDP
BG (Density) : 32Gbit
0 (Technology) : Normal (x8)
8 (Organization) : x8
U (Vcc) : 2.7V~3.6V
0 (Mode) : Normal
اهم بند المساحة 32gbit مش بايت يعني اقسم علي 8 يطلع الناتج 4 جيجا من بتوعنا
يعني اي جهاز فيه الشيب ده مساحته 4 جيجا بغض النظر عن قراءة الويندوز
البرنامج هيوفر عليك الليله دي و يقولك من الاخر المساحه كذا مفيش اسهل من كده

3- الحل التالت انك تقرا الكود بنفسك و احنا صغيرين يعني:cool::cool::cool::cool: ازاي؟
تبقي لسه شاري الفلاشه و تقوم فاتحها:D:D:D:D:D:D:D:D
و تبص براحتك علي الميموري شيب و الكونترول شيب و علي اللي انت عاوزه
هو حل مش عملي بس يبقي حل

و بس
و مانجلكوش في فلاشة بايظه

كنت هنسي
خد عندك موقعين متخصصين في الموضوع
http://sosfakeflash.wordpress.com
http://fixfakeflash.wordpress.com
و
لو انت شايف ان التحذير مهم و عاوز تحذر أخوانك ضع رد يقوم الموضوع ماينمشي و يظل بالصفحة الاولي اكبر فترة ممكنة


َإضافة ممتازة من الأخ هيثم


شوف معايا



اقتباس:
المشاركة الأصلية كتبت بواسطة hamamo

بعد اذن سعادك اضيف

مثال على الغش و الفك و التركيب
الصوره جهاز مشغل MP3 معروض للبيع


الصوره بتقول الحجم 16 جيجا بايت, طيب نتاكد
نفك الجهاز


نبحث عن شريحة الذاكره


بنلاحظ انها سامسونج 904 k9lbgo8uom pcbo CAK468P2
بنروح على موقع السامسونج
و نحط الرقم للبحث و نشوف النتيجه

تطلع النتيجه سوده
لماذا
اللي بدو يبيع بقول 16 جيجا و شريحه الذاكره 32 جيجا بت يعني 4 جيجا زي ما شرح الاستاذ في الموضوع
يعني مغشوشه و لو فعلا 16 جيجا كان لقينا 4 شرائح ميموري من نفس النوع على الاقل

و الموضوع فعلا مهم